Kaise milta hai khuda dekh liya hai mai ne

Kaise milta hai khuda dekh liya hai mai ne
Jaa ke khud karb o bala dekh liya hai mai ne

Tere kheme ka diya dekh liya hai mai ne
Kitni be bas hai hawa dekh liya hai mai ne

Roz khaskol uthai chala aata hoon Hussain
Tera darwaza khula dekh liya hai mai ne

Haza man fazl Hussain ibn e Ali o Zehra
Hur ke mathe pe likha dekh liya hai mai ne

Tere sadqe mai ae Abbas dilawar ke alam
Kese chalti hai hawa dekh liya hai mai ne

Samne karta hai beta mera sheh ka matam
Kiya hai anjam mera dekh liya hai mai ne

Mushkilen janen aur ab jane Alamdar Hussain
Janib e karb o bala dekh liya hai mai ne

Wahib kehta tha mai qalma na parhoon kyun Maula
Teri ankhon mai khuda dekh liya hai mai ne

Turbat Fatima zehra pe kiya hai matam
Khuwab to qad se bara dekh liya hai mai ne

Ali akber meri imdad ko aaye Akber
Kis ko kehte hain ataa dekh liya hai mai ne.